बेलायतमा मोर्डेना भ्याक्सिनले पायो मान्यता
एजेन्सी ,बेलायतमा कोरोना भाइरस महामारी विरुद्धको अमेरिकन कम्पनीले निर्माण गरेको मोडेर्ना भ्याक्सिनलाइ पनि बेलायतले सर्वसाधारणमा प्रयोग गर्न अनुमती दिएको छ ।बेलायतले आम नागरीकमा प्रयोग गर्ने अनुमती दिएका भ्याक्सिनहरु मध्ये यो तेस्रो रहेको छ । यो सँगै बेलायतमा कोरोना विरुद्धका तीनवटा भ्याक्सिन सञ्चालनमा आएका छन् ।
मोडेर्ना भ्याक्सिनले पनि फाइजर बायोएनटेक जतिकै नागरीकहरुमा सुरक्षा प्रदान गर्ने बताइएको छ ।परीक्षण पश्चात यो भ्याक्सिनको प्रभावकारीता ९५ प्रतिशत रहेको छ । बेलायतले मोर्डना भ्याक्सिनको अडर गरेपनि प्रयोग मा ल्याउन भने मार्च महिनासम्म लाग्न सक्ने अधिकारीहरुले बताएका छन् ।
यो भन्दा पहिला बेलायतले फाइजर बायोनेटेक र अक्सफोर्डले निर्माण गरेको एक्ट्राजेनेका भ्याक्सिनलाइ बेलायतले मान्यता दिएर लगाउन पर थालिसकेको छ । तर संक्रमणदर वृद्धि हुदै गएपछि बेलायतले भ्याक्सिनलाइ पनि तिव्रता दिएको छ ।
बेलायतले अहिलेसम्म आफ्ना नागरीकहरुलाई १२ लाख ९६ हजार ४ सय ३२ जनालाई पहिलो चरणको भ्याक्सिन दिइसकेको छ भने २१ हजार ३ सय १३ जनालाई दोस्रो चरणको भ्याक्सिन दिइसकेको स्वास्थ्य विभागले जनाएको छ ।
