कांग्रेस निर्वाचन समितिको संयोजकमा खाती

काठमाडौ,भदौ ६ l नेपाली कांग्रेस केन्द्रीय निर्वाचन समिति संयोजकमा अधिवक्ता खम्मबहादुर खाती नियुक्त भएका छन्।

कांग्रेस सभापति एवं पूर्वप्रधानमन्त्री शेरबहादुर देउवाले मङ्गलबार खातीलाई निर्वाचन समितिको  संयोजकमा नियुक्त गरेका हुन्।

अधिवक्ता खाती पूर्वमहान्यायधीवक्तासमेत हुन्। खातीले यसअघि कांग्रेस निर्वाचन समितिको सदस्य भएर काम गरेका थिए।

निर्वाचन समितिका संयोजक वरिष्ठ अधिवक्ता गोपालकृष्ण घिमिरे नेपाल बार एशोसिएसनको अध्यक्ष बनेसँगै खाली रहेको संयोजक पदमा खातीलाई नियुक्त गरिएको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए।-रासस