ThePressNepal

अन्धकारका विच उदाउँदै गरेको सानो आशाको दिप

परीक्षण गरिएकामध्ये ८.३ प्रतिशतमात्रै सङ्क्रमण

काठमाडौँ,असोज १२ l नेपालमा सेप्टेम्बर महिनामा कोरोना भाइरसको सङ्क्रमण दर ८।३ प्रतिशतमात्र रहेको पाइएको छ।

स्वास्थ्य तथा जनसङ्ख्या मन्त्रालयका सहप्रवक्ता डा समिरकुमार अधिकारीले कोरोना परीक्षण गरिएकोमध्ये सेप्टेम्बर महिनामा ८।३ प्रतिशतमा मात्र सङ्क्रमण रहेको पाइएको जानकारी दिए। आज १४ हजार तीनमा कोभिड–१९ परीक्षण गर्दा एक हजार १५८ मा सङ्क्रमण पाइएको थियो।

उनका अनुसार अघिल्लो अक्टोबर महिनामा कूल परीक्षण गरिएकामध्ये १३।६ प्रतिशत रहेको थियो । एक महिनाको बीचमा सङ्क्रमण दर ५।३ प्रतिशतले कमी आएको छ।यस्तै मन्त्रालयका अनुसार सेप्टेम्बर महिनामा पहिलो मात्रा ३१।३ प्रतिशत र पूर्णमात्रा २८।३ प्रतिशतले जनसङ्ख्याले कोरोनाविरुद्धको खोप लगाइसकेका छन्।

सरकारले यही असोज मसान्तभित्र ३३ प्रतिशत जनसङ्ख्यालाई कोरोना भाइरसविरुद्धको खोप लगाउने लक्ष्य राखेको छ।यस्तै पुसमा दुई तिहाइ र चैत मसान्तसम्म सबै लक्षित नागरिकलाई खोप लगाउने सरकारको तयारी रहेको छ।यस्तै अक्टोबर महिनामा २४।५ प्रतिशत पहिलो मात्रा र २०।५ प्रतिशत जनसङ्ख्याले पूर्ण मात्राको खोप लगाइसकेका थिए। 

अहिलेसम्म एक करोड २९ लाख ५८ हजार ५०८ ले कोरोना भाइरसविरुद्धको खोप लगाइसकेका छन्। मन्त्रालयले खोप लगाउन बाँकी उमेर समूहले आफ्नो पालोमा खोप लगाउन आग्रह गरेको छ।(रासस)

Leave a Reply

Your email address will not be published. Required fields are marked *