ThePressNepal

अन्धकारका विच उदाउँदै गरेको सानो आशाको दिप

अज्ञात व्यक्तिद्वारा विद्यालय तोडफोड


डोटी,भदौ १७ l अज्ञात व्यक्तिले बोगटान फुड्सिल गाउँपालिका–२ मा रहेको केदारअखडा माध्यमिक विद्यालयमा तोडफोड गरेको छ l

नचिनेका मान्छेको समूहले रातिको समयमा विद्यालय तोडफोड गरेको प्रधानाध्यापक गुमानसिंह बोहराले जानकारी दिए।उनका अनुसार कार्यालय कक्षको ताला फोडेर विद्यालयमा तोडफोड गर्नाका साथै कोठाभित्र रहेका दराजका विभिन्न कागजात पनि च्यातेको छ l

“विद्यालयका धेरै कागजात च्यातेको भन्ने खबर पाएको छु”,प्रधानाध्यापक बोहराले भने,“म श्रीमतीको उपचारका लागि कैलालीमा छु,विद्यालय तोडफोड गरेको र के कति क्षति गरेको छ,अब विद्यालय गएपछि मात्रै थाहा हुनेछ ।”

स्थानीयवासीका अनुसार विद्यालयमा कुन समूह तथा किन तोडफोड गरिएको हो भन्ने पत्ता लाग्न सकेको छैन।इलाका प्रहरी कार्यालय चमराचौताराले विद्यालयमा तोडफोड भएको र घटनाका विषयमा विस्तृत अनुसन्धानसहित खोजीकार्य भइरहेको जनाएको छ l(रासस)

Leave a Reply

Your email address will not be published. Required fields are marked *