ThePressNepal

अन्धकारका विच उदाउँदै गरेको सानो आशाको दिप

आज आमाको मुख हेर्ने दिन

सेयर गर्नुहोस
  •  
  •  
  •  
  •  

काठमाडौं, वैशाख २८ । प्रत्येक वर्ष वैशाखकृष्ण पक्ष औँसीका दिनमा जन्मदाता आमालाई सम्मान गरी मनाइने आमाको मुख हेर्ने पर्व आज देशभर आमालाई मीठा मीठा खानेकुरा खान दिई श्रद्धा भक्तिसाथ मनाइँदैछ ।

शास्त्रमा उपाध्याय , आचार्य र पिताभन्दा पनि ठूली मानिएकी आमाप्रति श्रद्धा, भक्ति, सम्मान र आदर गर्ने तथा उनबाट शुभाशीर्वाद थाप्ने दिनका रूपमा यो पर्वलाई लिइन्छ ।

आमाबारे विद्वानहरु कसले के भने, पढ्नुहोस्

१, आमालाई देवीदेवता जस्तै मानेर सम्मान गर्नुपर्छ – तैत्तिरीयोपनिषद्

२, जननी र जन्मभूमि स्वर्गभन्दा पनि प्यारो हुन्छ – महर्षि वाल्मीकि

३, सन्तान कुसन्तान हुन सक्लान् तर माता कुमाता हुन सक्दैनन्– आद्य शङ्कराचार्य

४, माताको अर्थ माननीय हुन्छ – पाणिनीय व्याकरण

५, माननीय भएकैले माता भनिएको हो – शतपथब्राह्मण

६, संसारमा आमाको स्थान आकाश र पृथिवी जत्तिकै महान् हुन्छ – शुल्कयजुर्वेद

७, आमाले सिङ्गो प्रकृतिको प्रतिनिधित्व गरेकी हुन्छिन् – अथर्ववेद 

८, राजपत्नी, मित्रपत्नी, गुरुपत्नी, पत्नीको आमा (सासू) र आफ्नी आमा गरी आमा किसिमका हुन्छन् – आचार्य चाणक्य  

९, आमा खुसी भइन् भने देवीदेवतादेखि पितृहरूसमेत खुसी हुन्छन् – संस्कृत सूक्ति

१०, आमा भनेका संसारभरिकै तीर्थ हुन् । संस्कृत सूक्ति

  •  
  •  
  •  
  •  

Leave a Reply

Your email address will not be published. Required fields are marked *