ThePressNepal

अन्धकारका विच उदाउँदै गरेको सानो आशाको दिप

२२ जिल्लामा थेग्नै नसक्ने गरी संक्रमण बढ्दै,सतर्क रहन मन्त्रालयको आग्रह

काठमाडौं,वैशाख १७ । स्वास्थ्य मन्त्रालयले शुक्रबार विज्ञप्ति जारी गर्दै देशभरका २२ वटा जिल्लामा थेग्नै नसक्ने गरी कोरोना संक्रमण बढ्दै गएकोले सबै सतर्क रहन अनुरोध गरेको छ।

जनस्वास्थ्यका मापदण्ड पालना गर्न आग्रह गरेको छ ।मन्त्रालयले जारी गरेको विज्ञप्तिमा मोरङ, सुनसरी, झापा, पर्सा, बारा, धनुषा, काठमाडौं, भक्तपुर, ललितपुर, चितवन, मकवानपुर, काभ्रेपलाञ्चोक, कास्की, दाङ, बाँके, रुपन्देही, पाल्पा, बर्दिया, कपिलवस्तु, सुर्खेत, कैलाली र कंचनपुरमा संक्रमण उच्च दरमा फैलिएको बताएको छ ।

यी जिल्लामा संक्रमण फैलने दर डरलाग्दो गरी बढीरहेको छ । स्वास्थ्य प्रणालीले थेग्नै नसक्ने गरी संक्रमण बढेकोले अस्पतालमा राखेर हेरचाह गर्न अस्पताल शय्या उपलब्ध गराउन नसकिने भइसकेको मन्त्रालयको जारी गरेको विज्ञप्तीमा उल्लेख गरेको छ।

संक्रमणको रोकथाममा जनस्वास्थ्यका मापदण्डहरू मास्क लगाउने भौतिक दुरी कायम गर्ने, बेलाबेलामा साबुनपानीले हात धुने उपाय अपनाउन मन्त्रालयले अनुरोध गरेको छ।

यसका साथै मन्त्रालयले कुनै पनि मार्गबाट देश विदेश जाने आउने वा आन्तरिक बाहय पर्यटनका लागि कहि कतै जाने कामहरु पूर्ण रुपमा नगर्नु नगराउनुहुन, कुनै पनि सार्वजनिक स्थलहरुमा जाने भिडभाड गर्ने कामहरु बन्द गर्ने गराउने कामहरु गर्न अत्यन्त जरुरी रहेको पनि विज्ञप्तिमा उल्लेख गरेको छ।

Leave a Reply

Your email address will not be published. Required fields are marked *