ThePressNepal

अन्धकारका विच उदाउँदै गरेको सानो आशाको दिप

आज वैशाख १३ गते सोमबार तपाईको राशिफल

आज मिति २०७८ साल बैशाख १३ गते सोमबार तदनुसार सन २०२१ अप्रिल महिनाको २६ तारिख, चैत्र शुक्लपक्ष, वसन्त रितु, उत्तरायण सुर्य, चित्रा नक्षत्र, चतुर्दशी तिथि, बज्र योग, बणिज करण, आज चन्द«मा दिउँसो १२ बजेर १७ मिनेटबाट तुला राशीमा प्रवेश गर्नेछ, आज सूर्योदय बिहान ५ बजेर ३१ मिनेटमा भयो भने सूर्यास्त बेलुकी ६ बजेर ३४ मिनेटमा हुनेछ । विशेष कार्य शुरु गर्नको लागि आजको शुभ समय बिहानको ११ बजेर ३६ मिनेटबाट १२ बजेर २८ मिनेटसम्म रहनेछ । यात्रा भ्रमण आदि गर्नको लागि शुभ समय दिउँसो १ बजेर ४० मिनेटबाट  ३ बजेर १८ मिनेटसम्म रहनेछ ।

मेष राशी

दिन राम्रो रहनेछ, सुख शान्ति प्राप्त हुने, विवादमा सफलता पाइने, शत्रुबाधाबाट मुक्त भइने, प्रयास गर्नुभएको छ भने कतैबाट धन अथवा सामाग्रीको प्राप्ति योग पनि बनिरहेको छ, नजिकका व्यक्तिहरुबाट माया प्रेम पाइने अथवा आफूले अभिव्यक्त गर्न सकिने सम्भावना छ । साझेदारी कार्यमा फाइदा हुने खालको दिन छ, विवाहसम्बन्धि आइरहेका अप्ठयाराहरुलाई आज समाधान गर्ने अवसरको रुपमा लिनुभएमा दिन सुखद हुनेछ ।

वृष राशी

मध्यान्ह १२ बजेपछि लाभदायक समय रहने छ, कार्य सफलता, स्वास्थ्य राम्रो, मनोरन्जनमा समय बित्न सक्ने, अचानक धन प्राप्ति, रति सुखको प्राप्ति, धन धान्यको प्राप्ति, सन्तानको प्रगति, बन्धुजनबाट सुख, लगायत मन प्रफुल्लित हुने खालका क्रियाकलाप हुन सक्छन । कसै कसैलाई आफनै घरमा पाहुना सत्कार तथा उत्तम खानपानमा व्यस्त हुनु पर्ने अवस्था आउन सकछ।

मिथुन राशी

दिन सोचे जस्तो नहुने योग छ , शोक वा चिन्ताले गाँज्ने, कार्य हानी, मार्गमा बाधा, मानसिक अशान्ति, कुनै कुराप्रति अनावश्यक आसक्ति बढन जाने सम्भावना छ , साथै शारिरिक कष्ट, स्वास्थ्यमा बाधा वा धपेडी पर्ने योग रहेकोले बिशेष सावधानी अपनाउनु होला, लामो छोटो  यात्रा गर्दै हुनुहुन्छ भने आज ख्याल गर्नुहोला,

कर्कट राशी

साढे १२ बजेपछि दिन अनूकूल छैन । मन अस्थिर वा चन्चल रहने, कुनै कुराको भयले सताउने, शारिरिक पिडा, आफन्त बन्धु बान्धव बिच वैमनस्यता बढने तथा पारिवारिक सुखमा कमि आउने योग छ, कार्यमा बाधा, सोचेको काम नबन्ने वा झंझट बेहोर्नु पर्ने । खानपान तथा निद्रामा असुविधा आउने, कसैकसैलाई स्त्रीवर्गबाट पिडा प्राप्त हुने योग छ । चिसो तथा जलजन्य चीजहरुबाट बच्नु होला ।

सिंह राशी

दिउँसो १२ बजेपछि दिन राम्रो हुन सक्नेछ । अप्ठयारो कुराहरुबाट विजय प्राप्त हुने, आर्थिक लाभ, वस्त्र तथा अन्य भौतिक सामग्री सुख प्राप्ति, शत्रुबाधा हटने, स्वास्थ्य उत्तम रहने, तँपाइको धैर्यले आज तँपाइलाइ मन प्रसन्न गराइ सुख प्रदान गर्नेछ । समग्रमा  दिन सुखद  छ ।

कन्या राशी

साढे १२ बजेपछि दिन प्रतिकुल हुन थाल्नेछ । मानसिक असन्तोष, नेत्र पिडा हुने अथवा घाँटीभन्दा माथि समस्या आउन सक्ने । कामहरु बिग्रन सक्ने भएकोले कर्म क्षेत्रमा अलि सावधानि अपनाउनु होला, आज आफनो नजीकका सँग विवादबाट बच्नु होला, कसैको पक्ष मा नलाग्नु नै बेश हुनेछ, तँपाइको रिस गर्नेहरुले बढन सक्छन,  लगानी सम्बन्धि कार्यलाइ आज अगाडि नबढाउनु भएमा राम्रो ।

तुला राशी

मध्यान्ह पछि दिन अनुकुल हुन थाल्नेछ,  भाग्यले साथ दिने, रोगव्याधिबाट राहत मिल्ने, भोग विलास तथा विविध सुखको प्राप्ति, मित्रबाट सहयोग पाइने अथवा लाभ मिल्ने सम्भावना छ कसै कसैलाई मान सम्मान प्राप्त हुने योग छ । फरक खालको वा विशेष खानपीन हुनसक्ने, रमाइलो जमघटमा सरीक हुन पाइने, अथवा आदर सत्कारमा सरीक हुन पाइने सम्भावना पनि छ ।  आज दाम्पत्य सुख मिल्नुको साथै घरायसी सुखमा ध्यान जान सक्ने, प्रयास गरेमा व्यवसायिक लाभ मिल्ने खालको दिन पनि बन्न सक्छ । उमेर पुगेका अविवाहित हुनु हुन्छ भने विवाह सम्बन्धि कुराहरु अगाडि बढाउनको लागि राम्रो दिन छ, व्यापारी तथा व्यवसायी वर्गलाई दिन राम्रो रहनेछ,

वृश्चिक राशी

१२ बजेपछि कामहरु बिग्रन सक्ने भएकोले कर्म क्षेत्रमा अलि सावधानि अपनाउनु होला, आज आफनो नजीकका सँग विवादबाट बच्नु होला, कसैको पक्ष मा नलाग्नु नै बेश हुनेछ, अनावश्यक खर्च, शोक कष्ट पर्ने, मानसिक तथा शारिरिक व्यथाले सताउने, कामको कदर नहुने अथवा गरेको जस नपाइने, कार्य बाधा र धनसम्पत्ति शेयर हानीको योग छ । नाता कुटुम्बीहरुबाट घृणा मिल्ने वा सहयोग  नपाइने सम्भावना छ ।  लगानीलाइ अहिले समय प्रतिकुल छ ।

धनु राशी

दिन शुभ रहनेछ । मन प्रसन्न हुने, ईच्छित फल पाउने । धन तथा द्रव्य लाभ, भौतिक तथा मानसिक सुख पाइने, आफन्त वा पाहुनाहरुको आगमन हुने, वा भोजभतेर तथा खानपीनमा सरीक भइने योग छ , रोजगार, नोकरी वा व्यवसायको क्षेत्रमा लाभको स्थिती वा एक भन्दा बढी क्षेत्रमा प्रयास गरिने  अवस्था आउन सक्छ, अडकिएको धन वा कार्य सम्बन्धि शुभ समाचार पनि आउन सक्ने योग छ । 

मकर राशी

मध्यान्ह पछि दिन अनुकुल हुन थाल्नेछ । शुभ फल प्राप्त हुने। चिताएको पुग्ने वा शुभ समाचार प्राप्त हुने योग देखिएको छ । कार्य सफलता, उत्तम स्वास्थ्य स्थिती, परिवार कुटुम्बबाट लाभ प्राप्त हुने योग छ । नयाँ कार्यको लागि योजना थालनी गर्न सक्नु हुन्छ  । सरकारी सेवामा हुने हरुलाई लाभ मिल्ने योग छ । पहिले देखि प्रयास गरिरहनु भएको छ भने आय स्रोतको नयाँ सम्भावना पनि फेला पर्न सक्छ,  शेयर बजार वा अन्य निवेशको लागि समय उत्तम छ ।

कुम्भ राशी

दिन सोचे अनुरुप नहुन सक्छ, भाग्यले आज अलि कन्जुस्याई गर्नेछ । शारिरिक कष्ट वा धपेडी पर्ने योग रहेकोले स्वास्थ्यको विशेष ख्याल गर्नु होला, कृष्ण पक्षको चन्द्रमा मा जन्मनु भएको हो भने कानूनी झमेलाको सम्भावना बन्न सक्छ, सन्तान पक्षबाट समस्या वा तनावको स्थिति आउन सक्छ, व्यवसाय हानी, कार्यमा बाधा, सोचेको काम नबन्ने वा झंझट बेहोर्नु पर्ने पनि हुन सक्छ,  कसै कसैलाई स्थान छोडनु पर्ने वा टाढाको यात्रा गर्नुपर्ने अवस्था पनि आउन सक्छ।

मीन राशी

१२ बजेपछि समय अनूकूल छैन । नखाएको विष लाग्ने अथवा नसोचेको आरोप लाग्ने सम्भावना छ । स्वास्थयमा विषेश सतर्कता अपनाउनु होला, खानपान तथा भोजनमा समस्या आउने वा अपचको स्थितीले चिन्ता थपिन सक्छ ।। विवाद तथा मनमुटाव आदि हुने योग भएकोले सचेत रहनु पर्नेछ । निरर्थक भ्रमण नहोला भन्न सकिँदैन, आज अलि पाइला पाइलामा सचेत भएर अगाडि बढनु पर्नेछ । अनादर र अपमान हुने सम्भावना बनेको छ ,

Leave a Reply

Your email address will not be published. Required fields are marked *