ThePressNepal

अन्धकारका विच उदाउँदै गरेको सानो आशाको दिप

प्रतिगमनविरुद्ध संघर्षरत सबैलाई एक जुट हुन प्रचण्डको अपिल

काठमाडौं बैशाख १ । नेकपा माओवादी केन्द्रका अध्यक्ष पुष्पकमल दाहाल‘प्रचण्ड’ले नयाँ सरकार निर्माणका लागि प्रतिगमनविरुद्ध संघर्षरत सबै पक्षलाई आह्वान गरेका छन् ।

नयाँ वर्ष २०७८ को अवसरमा जारी गरिएको शुभकामना दिदैं प्रचण्डले ‘कम्युनिष्ट पार्टी बीचको एकतालाई प्रतिगामी प्रतिक्रियावादीहरुले षडयन्त्रमूलक ढंगले विभाजन गरे ।

प्रतिगामी प्रतिक्रियावादीको त्यस प्रकारको षडयन्त्रलाई निस्तेज गर्न कम्युनिष्ट आन्दोलनको एकताको झण्डालाई फेरि पनि माथि उठाउँदै अग्रगामी क्रान्तिकारी वाम ऐक्यवद्धताका लागि हार्दिक अपील गर्दछु ।’

उनी भन्छन् ‘प्रतिक्रियावादी षडयन्त्र चकनाचुर पार्न, देशलाई अग्रगतिमा लैजान र जनताको विकास तथा समृद्धिको आकांक्षा पूरा गर्न नयाँ सरकार गठन अपरिहार्य भएको छ । प्रतिगामी कदमविरुद्ध संघर्षरत सबै पक्षहरुलाई संघर्षका निम्ति मोर्चा बनाई एकतावद्ध पहलकदमीका साथ नयाँ सरकार निर्माणका लागि एकजुट हुन आहन पनि गर्दछु ।’

Leave a Reply

Your email address will not be published. Required fields are marked *