ThePressNepal

अन्धकारका विच उदाउँदै गरेको सानो आशाको दिप

५ सय डलर बराबरको बिदेशी बस्तु नेपालका बैंक तथा वित्तीय संस्थाकाे ‘प्रीपेड कार्ड’ मार्फत खरिद गर्न सकिने

सेयर गर्नुहोस
  • 8
  •  
  •  
  •  
    8
    Shares

काठमाडौं । नेपाल राष्ट्र बैंकले अनलाइन मार्फत बिदेशी बस्तु तथा सेवा खरिदका लागि अधिकतम पाँच सय डलरसम्मको भुक्तानीलाई बैधता दिएको छ ।

राष्ट्र बैंकको बिदेशी बिनिमय ब्यवस्थापन बिभागले आइतबार ‘एकिकृत परिपत्र २०७६’ को एकिकृत इ.प्रा. परिपत्र १५/२०७६ दफा ७ मा १६ बुदाँ थप गर्दै यस्ताे व्यवस्था गरेकाे हाे ।

नेपालका बाणिज्य बैक र बिकास बैंकलाई परिपत्र जारी गर्दै पाँच सय डलरसम्मको बिदेशी मुद्राको सटही ‘प्रीपेड कार्ड’ मार्फत गर्न सक्ने गरी ब्यवस्था गरेको छ ।

परिवर्त्य बिदेशी मुद्राको प्रीपेड कार्ड लिन चाहाने ब्यक्ती फर्म कम्पनी वा संस्थाले नेपाली मुद्रालाई बिदेशी मुद्रामा परिवर्तन गरी त्यो कार्ड लिन सक्ने राष्ट्र बैंकले जनाएको छ ।

यस्तो कार्ड प्राप्त गर्नका लागि सम्वन्धित प्रयोगकर्ताले आफ्नो केवाई सी ‘ग्राहक पहिचा बिवरण ’ आवधिक गर्ने र स्थायीलेखा नम्बर प्यान अनिवार्य रुपमा लिएको हुनुपर्नेछ ।

राष्ट्र बैंकले यस कार्ड मार्फत कस्ता बस्तु तथा सेवा खरिद गर्न सकिने खुलाएको छैन् । अब अनलाईन माध्यमबाट गेम , पुस्तक, लगायतका समाग्रीहरु खरिद गर्न सहज हुने देखिन्छ । यो सुविधाका कारण नेपालबाट बिदेशी मुद्रा बाहिरिने पनि देखिन्छ ।

Leave a Reply

Your email address will not be published. Required fields are marked *