ThePressNepal

अन्धकारका विच उदाउँदै गरेको सानो आशाको दिप

माघ महिनामा बिप्रेषण १०.९ प्रतिशतले बढ्दा मुल्यबृद्धि भने २.७ प्रतिशतमा सिमित

काठमाडौं चैत ३। नेपाल राष्ट्र बैंकले माघ महिनाको आर्थिक तथा वित्तीय स्थिति सार्वजनिक गर्दै रेमिटान्स १०.९ प्रतिशतले बढेको जनाएको छ । चालू आर्थिक बर्षको समिक्षा सविधिसम्मा कुल ५ खर्ब ६७ अर्ब ७० करोड रुपैया रेमिटान्स भित्रिएको छ । अघिल्लो बर्षको सोहि अवधिमा बिप्रेषण आप्रवाह ०.७ प्रतिशतले घटेको केन्द्रिय बैंकले जनाएको छ । केन्द्रिय बैंकको पछिल्लो प्रतिवेदनले मुल्य बृद्धि भने घटेको देखाएको छ ।

२०७७ माघमा वार्षिक बिन्दुगत उपभोक्ता मुद्रास्फीति २.७० प्रतिशत रहेको छ । अघिल्लो वर्षको सोही महिनामा यस्तो मुद्रास्फीति ६.८७ प्रतिशत रहेको थियो । समीक्षा महिनामा खाद्य तथा पेय पदार्थ समूहको मुद्रास्फीति ३.०२ प्रतिशत र गैर–खाद्य तथा सेवा समूहकोमुद्रास्फीति २.४४ प्रतिशत रहेको छ ।

२०७६ माघको तुलनामा २०७७ माघमा फलफूल, घ्यू तथा तेल, दाल तथा गेडागुडी र सुर्तिजन्य वस्तुहरु उपसमुहको मूल्यवृद्धि क्रमशः १८.८४ प्रतिशत, १८.१४ प्रतिशत, १०.४१ प्रतिशत र १०.४१ प्रतिशत रहेको छ ।

चालू आर्थिक बर्षको माघ महिनामा वार्षिक बिन्दुगत तलब तथा ज्यालादर सूचकाङ्क १.७७ प्रतिशतले बढेको छ । अघिल्लो वर्षको सोही महिनामा उक्त सूचकाङ्क ७.५१ प्रतिशतले बढेको थियो । समीक्षा महिनामा ज्यालादर सूचकाङ्क २.२७ प्रतिशतले बढेको छ ।

आर्थिक वर्ष २०७७÷७८ को सात महिनामा कुल वस्तु निर्यात ७.६ प्रतिशतले वृद्धि भई रु.६९ अर्ब ९२ करोड पुगेको छ । अघिल्लो वर्षको सोही अवधिमा यस्तो निर्यात २२.४ प्रतिशतले वृद्धि भएको थियो । गन्तव्यका आधारमा भारत तथा अन्य मुलुकतर्प क्रमशः १०.० प्रतिशत र ४.९ प्रतिशतले निर्यात वृद्धि भएको छ भने चीनतर्पको निर्यातमा ७.७ प्रतिशतले कमी आएको छ ।
चालू आर्थिक बर्षको माघ महिनामा आयात गत बर्षको सोही अवधिको तुलनामा ०.१ प्रतिशत र निर्यात ६.७ प्रतिशतले बढेको छ । चालु आर्थिक बर्षको पहिलो सातामा शोधानान्तरस्थिति ९६ अर्ब ९६ करोडले बचतमा रहेको छ ।

त्यस्तै कुल बिदेशी बिनिमयको सञ्चिति १२ अर्ब ५७ करोड अमेरिकी डलर रहेको छ । नेपाल सरकारले पछिल्लो सात महिनामा कुल खर्च ४ खर्ब ९९ अर्ब ६८ करोड रुपैयाँ र राजस्व संकलन ४ खर्ब ९८ अर्ब ५२ करोड रुपैयाँ गरेको छ ।

समीक्षा अवधिमा चालु खाता १ खर्ब १ अर्ब ९० करोड रुपैयाँले घाटामा रहेको छ । अघिल्लो वर्षको सोही अवधिमा चालु खाता १ खर्ब ६ अर्बले घाटामा रहेको थियो ।

Leave a Reply

Your email address will not be published. Required fields are marked *