देशभर ५३ जनामा कोरोना संक्रमण पुष्टि,७७ जना कोरोनामुक्त
काठमाडौं, चैत १। स्वास्थ्य तथा जनसंख्या मन्त्रालयले यमित रुपमा गर्दै आएको प्रेस ब्रिफीङमा बोल्दै प्रा डा जागेश्वर गौतमले देशभरका विभिन्न प्रयोगशालाहरुमा गरीकएको २ हजार ६ सय १५ वटा नमुना परीक्षणमा काठमाडौं उपत्यकामा २२ जना सहित देशभर ५३ जनामा कोरोना संक्रमण पुष्टि भएको बताए । हालसम्म देशभर कोरोना संक्रमण पुष्टि हुने संख्या २ लाख ७५ हजार २ सय ३१ जना रहेका छन् ।
कोरोनाका कारण ३ हजार १४ जनाको मृत्यु भएको छ । गत चौबीस घण्टामा ७७ जना कोरोना मुक्त भइ घर फर्किएका छन् । हालसम्म कोरोना मुक्त हुने संख्या २ लाख ७१ हजार ३ सय ३६जना रहेका छन् । हालसम्म कोरोना मुक्त हुने संख्या ९८ दशमलव ६ प्रतिशत रहेको छ
देशभर क्वारेन्टिनमा ४७ जना र संक्रिय संक्रमित८ सय ९१ जना रहेका छन् । हाल देशभर आसियुमा उपचारत ३४ जना र भेन्टिलेटरमा ८ जना रहेका छन् ।
