ThePressNepal

अन्धकारका विच उदाउँदै गरेको सानो आशाको दिप

दाहाल नेपाल समुहले सांसदलाई उपत्यका छोडेर बाहिर नजान निर्देशन दियो

सेयर गर्नुहोस
  • 22
  •  
  •  
  •  
    22
    Shares

नेकपा प्रचण्ड–नेपाल समूहले आफ्ना सांसदहरुलाई तत्काल काठमाडौँ उपत्यका नछाड्न निर्देशन दिएको छ।

सो समूहको संसदीय दलको आज बसेको बैठकमा अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले सर्वोच्च अदालतले फागुन ११ गते प्रतिनिधिसभा पुनःस्थापनाको फैसलासँगै १३ दिनभित्र प्रतिनिधिसभा बैठक बोलाउन आदेशसमेत दिएको छ ।  सो अवधिभित्र जतिबेला पनि बैठक हुनसक्ने जानकारी गराएका हुन सक्ने आंकलन गर्दै माधव प्रचण्ड समूहको संसदीय दलको आज बसेको बैठकले सो निर्देशन दिएको हो ।

जतिबेला जे पनि हुनसक्ने भन्दै उपत्यकामा रहेका सांसदहरुलाई अतिआवश्यकबाहेक जानकारी गराएर मात्र बाहिर जानुहोला भनेर पुष्पकमल दाहालले निर्देशन दिएको स्रोतले जानकारी दिएको छ ।

संसदिय दलको बैठकमा पछिल्लो राजनीतिक घटनाक्रमका बारेमा सविस्तार छलफल सहित   संसद् पुनःस्थापनाको आन्दोलनमा रहेका सबै पक्षलाई धन्यवाद आदानप्रादान समेत भएको छ ।

गत पुस ५ गते सरकारले प्रतिनिधिसभा विघट्न गर्ने निर्णय गरेको थियो । सो विषयका सम्बन्धमा  विभिन्न रिटमाथि सुनुवाइ गर्दै सर्वोच्च अदालतले मङ्गलबार सरकारको उक्त कदमलाई असंवैधानिक ठहर गर्दै प्रतिनिधिसभा पुनःस्थापना गर्ने फैसला गरेको थियो ।

Leave a Reply

Your email address will not be published. Required fields are marked *