संसद विघटनको पक्षमा आजबाट बहस सुरु
काठमाडौं माघ १९ ।प्रतिनिधिसभा विघटनविरुद्धको मुद्दामा रिट निवेदकको तर्फबाट थालिएको बहस सकिए पछि आजबाट विपक्षमा बहस सुरु हुदैं छ । रिट निवेदनमा विपक्षी बनाइएका प्रधानमन्त्री र राष्ट्रपतिको तर्फबाट महान्यायाधिवक्ता, सरकारी वकिल र निजी अधिवक्ताहरुले आजबाट बहस गर्दै छन ।
प्रतिनिधिसभा विघटन विरुद्ध दर्ता भएका १३ रिट निवेदनमा १ सय ५३ जनाको वकालतनामा थियो । जसमा ७० जनाले मात्र विघटनविरुद्ध बहस गरेका छन् । माघ १३ गतेबाट संवैधानिक इजलासमा निरन्तर सुनुवाइ भइरहेको १३ औँ दिनमा रिट निवेदकको तर्फबाट बहस सकिएको हो ।
सरकारको तर्फबाट बहस गर्ने १ सय ५९ जनाको सूची छ । सभामुखको तर्फबाट ३ जना र एमीकस क्युरीबाट ४ जनाको बहस बाँकी छ ।
