ThePressNepal

अन्धकारका विच उदाउँदै गरेको सानो आशाको दिप

सुनिल र पवन चम्किँदा पुलिसको सहज जित: प्रधानमन्त्री कप क्रिकेट

सेयर गर्नुहोस
  •  
  •  
  •  
  •  

काठमाडौं, माघ ८

प्रधानमन्त्री कप क्रिकेटः सुनिल र पवन चम्किँदा पुलिसको सहज जित नेपाल पुलिस क्लबले राजधानीमा जारी प्रधानमन्त्री कप पुरुष राष्ट्रिय क्रिकेट प्रतियोगितामा दोस्रो जित निकाल्दा अर्को खेलमा एपिएफले गण्डकी प्रदेशलाई हराएको छ ।

कीर्तिपुर स्थित त्रिभुवन विश्व विद्यालयको मैदानमा पुलिसले दिएको ३ सय ११ रनको लक्ष्यसहित जवाफी ब्याटिङमा उत्रिएको लुम्बिनीले पुरै ५० ओभर खेलेर ७ विकेटको क्षतिमा २ सय ३६ रन मात्र बनाउन सक्यो ।

लुम्बिनीका लागि सौरभ खनालले ७४ रनको अर्धशतकीय इनिङ्स खेलेपनि टोलीको हारलाई टार्न सकेनन् । लुम्बिनीका कप्तान कृष्ण कार्कीले नटआउट ४० रन जोडे । यस्तै देव खनाल अर्धसतक पुरा गर्न एक रनले चुके । सन्दीप रजालीले ४० रन जोड्दा अन्य व्याट्सम्यान १० रन भित्र समेटिए ।

बलिङ तर्फ पुलिसका राशिद खान र पवन सर्राफले २÷२ विकेट लिए । दिपेन्द्र सिंह ऐरी, ललित राजवंशी र सागर ढकालको नाममा एक÷एक विकेट रह्यो । यस अघि टस हारेर पहिले ब्याटिङ गरेको पुलिसले निर्धारित ५० ओभरको समाप्तिमा ४ विकेट गुमाएर ३ सय १० रनको योगफल बनाएको थियो । पुलिसका लागि सुनिल धमलाले शतकीय इनिङ्स खेले ।

करियरको पहिलो शतक बनाउने क्रममा सुनिलले १ सय ४ रन जोडे । १ सय ४५ बलको समना गरेका धमलाले ७ चौका र १ छक्का प्रहार गरेका थिए । यस्तै राष्ट्रिय टोलीका उपकप्तान दिपेन्द्र सिंह ऐरीले ८५ रनको योगदान गर्दा विस्फोटक ब्याटिङ गरेका पवन सराफले १३ बलमा नटआउट ५० रनको अर्धशतकीय इनिङ्स खेले ।

पवनले ६ छक्का र १ चौका प्रहार गरेका थिए । पवनको यो घरेलु क्रिकेटमा सर्वाधिक छिटो अर्धशतक बनाउने कीर्तिमान बनेको छ । त्यस्तै आरिफ शेखले नटआउट २९ रन जोड्दा अमित श्रेष्ठले २८ रन बनाए ।

बलिङमा लुम्बिनीका कृष्ण कार्की, अनिल खरेल, दिपेन्द्र रावत र सौरभ खनालले एक÷एक विकेट आफ्नो नाममा लेखाए । जितसँगै समूह ‘बी’ मा रहेको पुलिसले ३ खेलमा ४ अंक जोडेको छ । पुलिस समूह तालिकाको दोस्रो स्थानमा रहेको छ । पराजित लुम्बिनीको २ खेलमा २ अंक जोडेको छ । लुम्बिनी तेस्रो स्थानमा रहेको छ ।

यस्तै प्रतियोगिताको अर्को खेलमा आशिफ शेखको विस्फोटक ब्याटिङको मद्दतमा विभागीय टोली एपिएफले गण्डकी प्रदेशमाथि ६ विकेटको जित निकाल्यो । मूलपानी मैदानमा भएको खेलमा एपिएफले १ सय ७ रनको लक्ष्य १७.३ ओभरमा ४ विकेट गुमाएर भेटाउँदा जारी प्रतियोगितामा लगातार दोस्रो जित निकालेको हो ।

एपिएफलाई जिताउन अशिफ शेखले अर्ध सतकीय इनिङ्स खेले । ५६ बलको समना गरेको आशिफले ६ छक्का र ५ चौकाको मद्दतमा ७८ रनको व्यत्तिगत रन बनाउँदा एपिएफले सहज जित निकालेको हो ।

दुई रन जोड्दा दुई विकेट गुमाएको अवस्थमा आशिफले सम्हालिएको प्रदर्शन गर्दै एपिएफको इनिङ्सलाई उकासेका थिए । सुमित महर्जनले १८ रन जोड्दा अन्य व्याट्सम्यानले दोहोरो अंकको स्कोर छुन सकेनन् ।

एपिएफको ४ विकेट निकाल्न गण्डकी प्रदेशका चन्द्रा पौडेल र विशाल पौडेलले समान २÷२ विकेट हात पारे । एक खेलमा मात्र सुखद नतिजा निकालेको गण्डकी प्रदेशको यात्रा प्रतियोगिताबाट समाप्त भएको छ ।

चार खेल खेल्दा तीन खेल गुमाएको गण्डकीले समूह ‘ए’ तालिकामा दुई अंक मात्र जोड्न सक्यो । यस अघि टस हारेर पहिलो ब्याटिङको निम्तो पाएको गण्डकीले ४६ओभरको समाप्तिमा सबै विकेट गुमाएर १ सय ६ रन जोडेको थियो ।

गण्डकीका लागि ओपनर समिर कंडेलले ३६ रन जोड्नु बाहेक अन्य ब्याट्सम्यानले इनिङ्स उकास्ने स्कोर छुन सकेनन् । विष्णु पाण्डे र दिपेश खत्रीले समान १५÷१५ रन जोड्दा दिनेश बुढामगरले १२ रनको व्यत्तिगत स्कोर बनाएका थिए । अन्य व्याट्सम्यान भने १० रन भित्र समेटिएका थिए ।

गण्डकीलाई सस्तैमा समेट्न एपिएफका कमल ऐरीले सर्वाधिका ४ विकेट निकाल्दा अभिनाश बोहोर र कप्तान शरद भेषवाकरले समान २÷२ विकेट आफ्नो नाममा लेखाए ।

दुई खेलबाट एपिएफको समूह ‘ए’ तालिकामा ४ अंक भएको छ । तीन खेलबाट तीनै जित निकालेको आर्मी समूह ‘ए’ को शीर्ष स्थानमा छ । आर्मीको ६ अंक रहेको छ ।

प्रतियोगितामा शुत्रबार पनि दुई खेल हुनेछ । मूलपानी क्रिकेट मैदानमा प्रदेश–२ र बागमती प्रदेश तथा त्रिवि मैदानमा प्रदेश–१ र कर्णाली प्रदेशबीच खेल हुने छ ।

  •  
  •  
  •  
  •  

Leave a Reply

Your email address will not be published. Required fields are marked *