ThePressNepal

अन्धकारका विच उदाउँदै गरेको सानो आशाको दिप

बारीयता सुधार गर्ने नबनियुक्त प्रशिक्षक वाटमोर को प्रतिबद्दता

सेयर गर्नुहोस
  •  
  •  
  •  
  •  

खुला प्रतिस्पर्धाबाट प्रशिक्षकको जिम्मेवारी सुम्पिएको नेपाल क्रिकेट संघ (क्यान) ले बिहीबार अस्ट्रेलियाली प्रशिक्षक डेभ वाटमोरलाई स्वागत गरेको छ । एक कार्यक्रमको आयोजना गरेर क्यानले नवनियुत्त प्रशिक्षक वाटमोरलाई जिम्मेवारी सुम्पिएको हो ।

भारतीय प्रशिक्षक उमेश पटवालको बहिरगमन पछि रित्त भएको पदमा अस्ट्रेयाली प्रशिक्षक डेभ वाटमोर, नेपाली टोली सम्हाल्न नेपाल आएका छन् । नेपाल क्रिकेट संघ (क्यान) ले बिहीबार एक कार्यक्रम गरी प्रशिक्षकलाई औपचारिक रुपमा सार्वजनिक गरेको हो । सार्वजनिक गरेको कार्यक्रममा नवनियुत्त प्रशिक्षकले वाटमोरले २०१८ मा नेपालले पाएको एक दिवसीयको मान्यतालाई जोगाउन प्रयास गर्ने बताए । यस अघि पनि प्रशिक्षकको जिम्मेवारी सम्हालि सकेका प्रशिक्षक वाटमोरले १९९० यता पाकिस्तान, बंगलादेश, श्रीलंका र जिम्बावेलगायत टोलीको मुख्य प्रशिक्षक भएर काम गरिसकेका छन ।

सन १९९६ मा श्रीलंकाले एकदिवशीय विश्वकप क्रिकेटको उपाधि जित्दा वाटमोरका टोलीका मुख्य प्रशिक्षक थिए । तर सन् २०१६ को ट्वान्टी–२० विश्वकपमा जिम्बावेले कमजोर प्रदर्शन गरेपछि त्यहाँको क्रिकेट संघले वाटमोरलाई बर्खास्त गरेको थियो । उनै प्रशिक्षकलाई क्यानले जनवरी १ तारिखदेखि लागू हुने गरी नियुक्त गरेको हो । एक वर्षे सम्झौतामा नेपाल आएका वाटमोरले युवा र अनुभवि खेलाडीलाई संयोजन गरी टोलीलाई प्रशिक्षण दिन बताए ।

व्यक्तिगत क्रिकेट करियरमा वाटमोरले अस्ट्रेलियाका लागि सात टेस्ट र एउटा एकदिवशीय अन्तर्राष्ट्रिय क्रिकेट खेल खेलेका छन । नेपाली टोलीले प्राप्त गरेको एक दिवसीय मान्यतालाई जोगाई राख्ने, ग्रासरुट लेभल र यु–१९ तथा महिला टोलीको कन्सल्टेन्ट रुपमा सहयोग गर्ने विषयमा छलफल भएको क्यानका सचिव अशोक नाथ प्याकुरेलले जानकारी दिए ।

नवनियुक्त प्रशिक्षक वाटमोरले बिहीबार कीर्तिपुर स्थित त्रिभुन विश्व विद्यालयको मैदान भ्रमण गरेका छन् । अब वाटमोरको प्रशिक्षणमा नेपाली टोलीलले आगामी मार्च महिना ओमान र अमेरिका सम्मिलित त्रिकोणात्मक शृखंला खेल्ने छ ।

  •  
  •  
  •  
  •  

Leave a Reply

Your email address will not be published. Required fields are marked *