कांग्रेस केन्द्रिय समितिको बैठक भोली बस्दै
काठमाडौं, पुस १८। प्रमुख प्रतिपक्षी दल नेपाली कांग्रेसको केन्द्रिय समितिको बैठक भोली अर्थात पुस १९ गते पार्टी कार्यालय सानेपामा बस्दै छ ।
प्रधानमन्त्री केपी ओलीले संसद विघटन गरेर गैरसंवैधानिक कदम चालेको निस्कर्ष निकालेको काँग्रेसले यस अघि केन्द्रिय समितिको निर्णय अनुसरा नै पुस १३ गते १ सय ६५ वटै निर्वाचन क्षेत्रमा प्रदशर्न गरेको थियो भने पुस १६ अर्थात राष्ट्रिय मेलमिलापको अवसरमा कार्यक्रम गरेको थियो ।
नेपाली कांग्रेस भित्र सर्वोच्च अदालतको फेसला कुर्ने वा सडकमा गएर असंवैधानिक कदमको पर्दाफास गर्ने भन्ने सहमति जुट्न सकेको छैन् ।
कांग्रेसको नेतृत्वमा बसेको सर्वदलिय बैठकले केन्द्रिय स्तरबाटै आगामी योजना बनाउने भने पनि काँग्रेसले ठोस योजना बनाउन सकेको छैन ।