ThePressNepal

अन्धकारका विच उदाउँदै गरेको सानो आशाको दिप

विश्वस्वास्थ संगठनले आपत्कालिन प्रयोगका लागि फाइजर खोपलाइ दियो अनुमति

सेयर गर्नुहोस
  •  
  •  
  •  
  •  

काठमाडौं ,पुस १७

विश्व स्वास्थ्य संगठन डब्ल्यूएचओ ले आपत्कालीन प्रयोगका लागि कोरोना खोपको सूची तयार गरेको छ ।

फाइजर र बायोएनटेकले विकास गरेको खोप आपत्कालीन प्रयोगका लागि अनुमति पाउने पहिलो खोप बनेको छ।

डब्ल्यूएचओले मान्यता दिएको खोप आयात गर्न र प्रयोग गर्न अब अन्य मुलुकका लागि पनि ढोका खुलेको छ ।

डब्लूएचओले खोप आवश्यक भएका मुलुकमा खोप वितरणका लागि खरिद गर्न युनिसेफ, पान अमेरिकी स्वास्थ्य संगठनलाई पनि अनुमति दिएको छ । विश्वभर कोरोनाविरुद्धको खोपको पहुँचमा सुनिश्चिता गर्न सकरात्मक कदम चालिएको डब्लूएचओले जनाएको छ ।

प्रर्याप्तमात्रामा खोपको आपुर्ती र जनसंख्याको आधारमा सवै क्षेत्रमा खोपको पहुँच पु¥याउन विश्वव्यापी प्रयास आवश्यक रहेको डब्लूएचओको भनाई छ । डब्लूएचओले फाइजर बायोएनटेकको खोप सुरक्षित र संभावित जोखिम समूहलाई जोगाउन प्रभावकारी भएको बताएको छ ।

फाइजरको खोप अति न्यून तापक्रममा स्टोर गर्नुपर्ने हुने भएकोले भण्डार र ढुवानीमा समस्या देखिएको छ । तर फाइजरको खोपलाई युएई,कतार,बहराइन,अमेरिका,क्यानडा लगायत मुलुकले आम प्रयोगमा ल्याइसकेका छन् ।

एम्नेष्टि इन्टरनेशनलले हालै सार्वजनिक गरेको प्रतिवेदनमा क्यानडा, बेलायत र अमेरिकासहित धनी मुलुकले मोडर्ना र फाइजरका ९६ प्रतिशत बढी खोप सुरक्षित गरेको उल्लेख छ ।

यसैबीच डब्लूएचओको समर्थन रहेको कोभाक्सले केहि महिना भित्र विपन्न मुलुकमा खोप वितरण गर्न झण्डै २ अर्ब डोज खरिदका लागि उत्पादक कम्पनीसँग सम्झौता गरिसकेको छ । कोभाक्सले खोप खरिदका लागि फाइजर र बायोएनटेकसँग पनि छलफल अघि बढाएको छ ।

Leave a Reply

Your email address will not be published. Required fields are marked *