ThePressNepal

अन्धकारका विच उदाउँदै गरेको सानो आशाको दिप

कोभिड खोप आयातका लागि ४८ अर्ब बजेट सुनिश्चितता

आइतबार स्वास्थ मन्त्रालयको पत्रकार सम्मेलनमा बोल्दै स्वास्थ्य सेवा विभाग अन्तर्गतको बाल स्वास्थ्य तथा खोप शाखाका प्रमुख डाक्टर झलक गौतमले विभिन्न देशहरुमा विकसित र प्रभावकारी भएका कोरोना विरुद्धको खोप आयातका लागि ४८ अर्ब रुपैयाँ आर्थिक सुनिश्चितताका लागि सरकार तयारी रहेको जानकारी दिनुभयो ।

गत पछिल्लो चौबीस घण्टामा थप ४ सय ८१ जनामा कोरोना भाइरस संक्रमण पुष्टि भएको छ । देशभरका विभिन्न प्रयोगशालामा गरिएको ३ हजार ८ सय २८वटा नमुना परीक्षण गरीएको थियो ।

देशभर संक्रमित पुष्टि भएका मध्ये काठमाडौं उपत्यकामा २ सय ८ जना रहेका छन् । हालसम्म संक्रमण पुष्टि हुने संख्या २ लाख ५८ हजार १ सय ८१ जना रहेको स्वास्थ मन्त्रालयका प्रवक्ता प्रा डा जागेश्वर गौतमले बताए।

देशभर कोरोनाका कारण ६ जनाले ज्यान गुमाएका छन् । हालसम्म कोरोनाका कारण मृत्युु हुने संख्या १ हजार ८ सय २५ जना रहेका छन्।कोरोनाका कारण ज्यान गुमाउने प्रतिशत शुन्य दशमलव सात एक रहेको छ।

भने,गत चौबीस घण्टामा देशभर ७ सय ३१ जना कोरोना मुक्त भएका छन्। हालसम्म कोरोनामुक्त हुने संख्या २ लाख ४९ हजार ८ सय ६३ पुगेको छ । हालसम्म कोरोना संक्रमित मध्ये कोरोनामुक्त हुने प्रतिशत ९६ दशमलव ८ रहेको समेत प्रवक्ता गौतमले जानकारी दिनुभयो ।

देशभर क्वारेन्टिनमा ३ सय ६९ जना रहेका छन भने संक्रीय संक्रमित संख्या ६ हजार ४ सय ९३ जना रहेका छन्। देशभर आसियुमा उपचारत २ सय ३५ जना र भेन्टिलेटरमा ५३ जना रहेको प्रवक्ता गौतमले जानकारी दिए।

Leave a Reply

Your email address will not be published. Required fields are marked *