एसियाली खेलकुद आयोजनाको दावेदारीको समर्थनका लागि कतारी ओलम्पिक टोली नेपालमा
कतार ओलम्पिकका महासचिव जसिम रसिद जेए अल्बुनइनको नेतृत्वमा रहेको टोलीले नेपाल ओलम्पिक कमिटिका प्रतिनिधिसँग भेट गरेका छन् ।
भेटमा कतारी टोलीले सन् २०३० को एसियाली खेलकुद आयोजनाको दाबेदारी दिन लागेको जानकारी गराउदै नेपाललाई सहयोग र समर्थनका लागि अनुरोध गरेको थियो ।
नेपाल ओलम्पिक कमिटिका अध्यक्ष जीवन राम श्रेष्ठले भेटले नेपाल र कतारको सम्वन्धमा नयाँ आयाम थपेको जनाएका छन् श्रेष्ठले भने ‘नेपाल र कतारको दुई पक्षीय सम्बन्ध पनि सुमधुर रहेको छ र यसले हामीबीचको खेल सम्बन्ध बलियो बनाउन मदत मिलेको छ ।’
कार्यक्रममा कतारी टोलीका प्रमुख अल्बुनइनले नेपाल आउन पाउँदा खुसी लागेको बताउदै आफ्नो देशको दाबेदारीमा नेपालको सहयोग र समर्थनका लागि अनुरोध गरेका छन् ।
