ThePressNepal

अन्धकारका विच उदाउँदै गरेको सानो आशाको दिप

सरकार निजी क्षेत्रलाई साथ लिएर अघि बढ्छ : अर्थमन्त्री पौडेल

सेयर गर्नुहोस
  • 4
  •  
  •  
  •  
    4
    Shares

अर्थमन्त्री विष्णु पौडेलले सरकार निजी क्षेत्रको साथ लिएर अघि बढ्ने जनाएका छन् ।

नेपाल उद्योग परिसंघका पदाधिकारीहरुसँगको भेटमा अर्थमन्त्री पौडेलले सरकार निजी क्षेत्रको साथमा रहेको बताउँदै कोरोना महामारीमा खेलेको भूमिकाको प्रसंशा गर्दै सरकार र नीजि क्षेत्र सहकार्य गरेर जानु पर्ने बताएका हुन् ।मन्त्री पौडेलले सरकारले निजी क्षेत्रलाई प्रोत्साहन र प्रवर्धन गर्ने र नीति नियम बनाउँदादेखि कार्यान्वयनको तहसम्म निजी क्षेत्रको फिडब्याक लिएर काम गर्ने जनाएका छन्  ।

अर्थमन्त्री पौडेलले निजी क्षेत्रले अघि सारेका माग तथा विषयलाई सम्बोधन गर्नका लागि निरन्तर दोहोरो संवादमा रहने भन्दै भने -‘आजको छलफल छलफलको अन्त्य होइन, सुरुवात मात्र हो ।’

उद्योगी तथा व्यावसायीहरुलाई सहयोग तथा प्रोत्साहनका लागि सरकारले पुनर्कर्जा, व्यावसायी निरन्तरता कर्जा लगायतका कार्यक्रमहरु ल्याएको भन्दै अर्थमन्त्री पौडेलले तिनीहरुको प्रभावकारी कार्यान्वयनमा विशेष जोड दिने बताए ।

अर्थमन्त्री पौडेलले स्रोतको सिमितताभित्र रहेर काम गर्ने स्पष्ट पार्दै सरकारले उद्योगी व्यावसायी र उद्योगी व्यावसायीले सरकार भएर सोच्न आवश्यक भएको र सोही अनुसार काम गर्दा महत्वपूर्ण उपलब्धी हासिल गर्न सकिने धारणा व्यक्त गरे ।

नेपाल उद्योग परिसंघका पदाधिकारीहरुले कोभिड-१९ ले सिर्जना गरेका समस्यालाई सम्बोधन गर्न, चालू आर्थिक वर्षको बजेटमा उल्लेख गरिएका कार्यक्रमहरुको प्रभावकारी कार्यान्वयन गर्नुपर्ने लगायतका सुझाव दिएका थिए । 

Leave a Reply

Your email address will not be published. Required fields are marked *