रुकुममा जन्ती बोकेको जिप दुर्घना चार जनाको मृत्यु

रुकुम पश्चिमको आठबिसकोट नगरपालिकामा जन्ती बोकेको जिप दुर्घटना हुँदा एकै गाउँका चार जनाको मृत्यु भएको छ ।
आठबसिकोट नगरपालिका–८ दाजे भन्ने ठाउँमा रा १ ज ५८९ नम्बरको जिप दुर्घटना हुँदा सोही वडाका चार जनाको घटनास्थलमै मृत्यु भएको जिल्ला प्रहरी कार्यालय रुकुम पश्चिमका प्रमुख डिएसपी ठगबहादुर केसीले जानकारी दिए ।

शुक्रबार साँझ करिब ७ बजे आठबिसकोट नगरपालिका–८ दाजेबाट सोही नगरपालिका–१० घारीखोला फर्कने क्रममा जिप दुर्घटना भएको उनले बताए । दुर्घटनामा आठबिसकोट–८ का ५१ वर्षका कलिभान नेपाली, ४८ वर्षका आइते चनारा, ५१ वर्षका गोरे नेपाली र ६६ वर्षा सार्के नेपालीको मृत्यु भएको डिएसपी केसीले बताए ।

दुर्घटनामा सोही ठाउँका ५८ वर्षा लालबहादुर नेपाली घाइते छन् । उनको अवस्था गम्भीर रहेको डिएसपी केसीले बताए । स्थानीयहरुका अनुसार जिप सडकबाट करिब एक सय मिटर तल खसेको हो ।

दुर्घटनापछि जिप चालक सोही नगरपालिका–९ का २८ वर्षका डिल्लीबहादुर नेपाली भने फरार रहेको प्रहरीको भनाइ छ । घटनाका विषयमा अनुसन्धान भइरहेको बताइएको छ ।