नेकपा भित्र हार गुहार

नेकपा विवाद उत्कर्षमा पुगेको समयमा सचिवालय बैठक बसेपछि सुरु भएको संवाद दोषा रोपणमा केन्द्रितमात्र भएको छैन आफ्नो गुट अझै शक्तिशाली बनाउने कसरत समेत बढ्दो छ ।

प्रचण्डसंग मिलेर लिखित रुपमानै ओलीको कार्यशैलीको विरोध गरेका वरिष्ठ नेता माधवकुमार नेपालले आइतबार प्रधानमन्त्री समेत रहेका पार्टि अध्यक्ष केपीशर्मा ओलीलाई भेटेका थिए । नेपालसंगको भेटमा प्रचण्डको कार्यशैलीप्रति ओलीले असन्तुष्टि व्यक्त गरेका छन् ।

पाचँ जना नेताहरुले लिखित रुपमा दिएको प्रस्ताव फिर्ता गर्न ओलीले नेपाललाई आग्रह गरेको जनाइएको छ । ओपचारीक कार्यक्रममा पार्टि फुट्न नदिने बताउदैँ आएका नेताहरु संगै बस्न नसकिने अवस्थामा पुगेका छन् । नेपालसंगको भेटमा पनि ओलीले संगै बस्न नसकिने संकेत गरेको नेपाल निकट स्रोतको भनाई छ । त्यतिमात्र नभइ ओलीले नेपाललाई पदको लागि समेत प्रस्ताव गरेको जनाइएको छ ।

तर उता अर्का अध्यक्ष प्रचण्डले पार्टि नफुट्ने जिकिर गरेका छन् । पार्टि पदका लागि भन्दा जनताको काममा लागि परेको बताउदैँ पार्टि फुटको गुन्जायस पनि नरहेको दावि गरेका हुन् । उनले भने( ‘हामी कम्युनिष्ट हुनुको नाताले हाम्रा कुराहरु इमान्दार र पारदर्शी तरिकाले बहस गर्छौं । विरोधीहरुलाई लाग्न कि यो पार्टी फुट्छ र छियाछिया हुन्छ, चकनाचुर हुन्छ र कसैले पनि भविष्य हाम्रो हुन्छ भन्ने नठाने हुन्छ । पद होइन जनता, राष्ट्रको सेवा मुख्य कुरा हो’, उनले भने, ‘मैले संविधान निर्माण, स्थानीय तहको निर्वाचन र पार्टी एकताताका पद हाम्रो विषय होइन स्थिरता र राष्ट्रलाई निकास दिने ऐतिहासिक जिम्मेवारी हो भनेको थिएँ । पद दिएर कम्युनिष्ट आन्दोलनलाई एकताबद्ध हुन नदिने कसरतहरुसँग लडेर हामी आएको हो ।’

पार्टि भित्रको लडाइ गुटगत भन्दा पनि पार्टिलाई कसरी जोगाउने र बलियो बनाउने पक्षमा रहेको भन्दै उनले भने( ‘पार्टी एकताको रक्षा कसरी गर्ने रु किनभने पार्टी एकता जनताको भरोसा र ठूलो उत्सवका साथ असाधारण काम नै गरेको हो । यो असाधारण काम र जनताको भरोसालाई कसरी कायम राख्ने भन्ने विषयमा यति बेला हाम्रो चिन्ता हो’, उनले भने, ‘कम्युनिष्टहरुले पदका नीम्ति झिनाझिम्टी गरेका भन्ने प्रतिक्रियावादी तत्वहरुको विश्वास नगर्न अपिल गर्दछु । हामी पार्टी एकतालाई कसरी अगाडि बढाउने रु विचार र विधि तथा पद्धतिमा कसरी लैजाने भन्ने विषयमा केन्द्रीत भएर हामीले संघर्ष गरेका छौं ।’

यसरी दुई अध्यक्षका फरक फरक विषयहरु सार्वजनीक भइरहदाँ आइतबार नै उपाध्क्ष वामदेव गौतमले प्रधानमन्त्रीलाई भेटेका थिए । औलीले नेपाललाई जस्तै प्रस्ताव फिर्ता गर्न आग्रह गरेका थिए । तर गौतमले प्रस्ताव फिर्ता नहुने ओलीलाई प्रष्ट पारेको जनाइएको छ । उनले सामुहिक निर्णय भएको भन्दै फिर्ता लिन नकसिने प्रष्ट पारेका हुन् ।

३ हप्ता लामो गतिरोध चिर्दै बसेको सचिवालय बैठक दुई अध्यक्षका चिठीहरुमात्र आदान प्रदान गर्दै स्थगित भएपछि शिर्ष नेताहरुको कसरत थपिएको हो ।