ThePressNepal

अन्धकारका विच उदाउँदै गरेको सानो आशाको दिप

१३ औं संस्करणको आईपीएल विजेता मुम्बइलाई, मुम्बई बन्यो पाँचौ पटक च्याम्पियन

सेयर गर्नुहोस
  •  
  •  
  •  
  •  

१३ औं संस्करणको इन्डियन प्रिमियर लिग आइपीएल क्रिकेटको उपाधि मुम्बइ ईण्डियन्सले जितेको छ ।
युएईको दुबईमा मंगलबार राति भएको फाइनलमा दिल्ली क्यापिटल्सलाई ५ विकेटले पराजित गर्दै मुम्बई च्याम्पियन बनेको हो । दुबई अन्तराष्ट्रिय क्रिकेट स्टेडियममा दिल्लीले दिएको १ सय ५७ रनको लक्ष्य मुम्बईले १८ ओभर ४ बलमा ५ विकेट गुमाएर पुरा गर्यो ।
मुम्बईको जितमा कप्तान रोहित शर्माले ६८ रनको अर्धशतकीय पारी खेले । उनले ५१ बलमा ४ छक्का र ५ चौका प्रहार गरे ।

यस्तै इशान किसनले अविजित रहदै ३३ रन जोडे । ओपनर क्विन्टन डी ककले २० र सूर्यकुमार यादबले १९ रन जोडे ।
दिल्लीका एनरिच नोर्टजेले २ तथा मार्कुस स्टोनिस, कागिसो राबडाले १,१ विकेट लिए ।
यस अघि टस जितेर पहिले ब्याटिङ गरेको दिल्लीले २० ओभरमा ७ विकेट गुमाएर १ सय ५६ रन बनाएको थियो । दिल्लीका लागि कप्तान श्रेयस आयर र ऋषब पन्तले अर्धशतकीय इनिङ्स खेले ।
श्रेयसले अविजित रहदै ६५ रनको योगदान दिए । पन्तले ५६ रनको अर्धशतकीय इनिङ्स खेले ।
खराब सुरुवात गर्दै २२ रन जोड्दा ३ विकेट गुमाएको दिल्लीका लागि पन्त र आयरले चौंथो विकेटका लागि ९६ रनको साझेदारी गरेका थिए ।

यस्तै दिल्लीका शिखर ध्वन १५ रनमा आउट हुँदा मार्कुस स्टोनिस शुन्य रनमा आउट भए । अक्सर पटेलले ९, शिम्रन हिटमायरले ५ र अजिन्क्या रहाणेले २ रन जोडे ।
मुम्बईका ट्रेन्ट बोल्टले ३ विकेट लिए भने नाथन कल्ट र जयन्त यादबले १, १ विकेट लिए ।

यससँगै मुम्बईले पाँचौ पटक आईपीएलको उपाधि जितेको छ । मुम्बई पाँच पटक आईपीएल जित्ने पहिलो टिम हो ।
मुम्बईले यस अघि सन २०१३, १५, १७ र १९ मा उपाधि चुमेको थियो । मुम्बईले लगातार दोस्रो वर्ष आईपीएलको उपाधि जितेको हो । गत वर्ष समेत मुम्बईले उपाधि जितेको थियो ।
पहिलो पटक फाइनल पुगेको दिल्ली भने उपविजेतामा समेटिएको छ । यो हारसँगै दिल्ली एकै सिजन मुम्बईसँग लगातार चौंथो खेलमा पराजित भएको हो ।

Leave a Reply

Your email address will not be published. Required fields are marked *