बाइडेनले गठन गरे कोभिड–१९ टास्क फोर्स, अमेरीकामा कोरोना नियन्त्रण हुने संकेत

अमेरीकाको ४६ औं राष्ट्रपतिको रुपमा जो बाइडेन निर्वाचित भएसँगै कोरोना पनि नियन्त्रणमा आउने आँकलन गरिएको छ । राष्ट्रपतिमा विजयी भएपछि बाइडेनले पहिलो कामअन्तर्गत कोरोना महामारी नियन्त्रणका लागि कोभिड–१९ टास्क फोर्स गठन गरेका छन् ।
१३ सदस्यीय टास्क फोर्समा तीन सह–अध्यक्ष र एक सदस्य छन् । यस विषयमा बाइडनेले वैज्ञानिक र विशेषज्ञको सल्लाह लिने बताएका छन् ।
बाइडेनले भनेका छन् । कोरोना महामारी नियन्त्रण गर्नु मेरो प्रशासनको पहिलो प्राथमिकता हुनेछ, लगातार बढिरहेको संक्रमण रोक्नु र खोप पत्ता लगाउनु मेरा लागि ठूलो चुनौती हो ।
साथै उनले कोरोना महामारीको दोस्रो लहर आउन बाँकी रहेको भन्दै सबैलाई मास्क लगाउन अपिल पनि गरे । कोरोना महामारीको घातक दोस्रो लहर आउन बाँकी नै रहेकोले सबैले मास्क लगाउने तथा आवश्यक सुरक्षाका सबै उपाय अपनाउन अपिल गरेका छन् ।
वर्तमान राष्ट्रपति डोनाल्ड ट्रम्पले महामारीको सुरुवातमा त मास्क बहिष्कारै गरेका थिए भने सार्वजनिक कार्यक्रममा समेत उनी बिनामास्क हिँडेका थिए । कोरोना संक्रमितको संख्या निकै नै बढेपछि मात्रै ट्रम्पले मास्क लगाएका थिए । तर पनि उनले आम नागरिकलाई कहिले पनि कोरोनाबाट बच्न मास्क लगाउनुपर्छ भनेनन् ।
बाइडेनले गठन गरेको कोभिड–१९ टास्क फोर्समा कोरोना नियन्त्रण अभियान निर्माणमा ध्यान दिने सरकारी एजेन्सीका प्रमुख एवं इम्युनोलजिस्ट डाक्टर रिक ब्राइट प्रमुख छन् र

महामारी नियन्त्रणका लागि राज्य एवं स्थानीय अधिकारीको समेत सरसल्लाह लिने नवनिर्वाचित राष्ट्रपति बाइडेनले बताए ।

फेडरेसन अफ अमेरिकन साइन्टिस्टका डाक्टर एरिक फिजल डिंकले बीबीसीलाई दिएको आन्र्तवार्तमा भने ‘कोरोना नियन्त्रणका लागि पहिलो काम विज्ञानमा आधारित नीति बनाउनु हो, तर यसमा डोनाल्ड ट्रम्प असफल रहे । मास्क लगाउने विषयमा पनि ट्रम्पको नीति ढुलमुले थियो र उनको नेतृत्व पनि दुःख दिने खालको थियो । बिनाआपतकाल औषधिको स्वीकृतिमा हतार गर्नु आफैंमा अवैज्ञानिक काम थियो ।’
उनले नवनिर्वाचित राष्ट्रपति बाइडेनले कोभिड–१९ टास्क फोर्समा डाक्टर रिकलाई छनोट गरेर राम्रो काम गरेको पनि बताएका छन् । उनले भनेका छन् । डा. रिकले यसअघि पनि बायोमेडिकल एडभान्स रिसर्च एन्ड डेभलपमेन्ट अथोरिटीको प्रमुख भएर काम गरिसकेका छन् उनी ती डाक्टरमध्ये एक हुन् जसले महामारी नियन्त्रणका लागि ट्रम्पले अपनाएको नीतिको आलोचना गरेका थिए ।’