२४ घण्टामा २७ सय ५३ जनामा कोरोना पुष्टी १७ जनाको मृत्यु

पछिल्लो २४ घन्टामा नेपालमा २७ सय ५३ जनामा कोरोना भाइरस संक्रमण पुष्टि भएको छ । देशभरका प्रयोगशालामा परीक्षण गरिएका १० हजार ४ सय २३ नमुनामध्ये २७ सय ५३ जनामा कोरोना संक्रमण पुष्टी भएको स्वास्थ्य मन्त्रालयले जानकारी दिएको हो । योसँगै कुल संक्रमितको संख्या १ लाख ९१ हजार ६ सय ३६ पुगेको छ । पछिल्ला २४ घन्टामा २२ सय ६ जना कोरोना मुक्त भइ डिस्चार्ज भएका छन् । योसंगै कोरोना जित्नेको कुल संख्या १ लाख ५५ हजार १ सय १४ पुगेको छ भने सक्रिय संक्रमितको संख्या ३५ हजार ४ सय ३५ रहेको छ । विभिन्न जिल्लामा गरी देशभर १७ जनाको मृत्यु भएको स्वास्थ्य मन्त्रालयले जनाएको छ । योसंगै कोरोना संक्रमणबाट मृत्यु हुनेको कुल संख्या १ हजार ८७ पुगेको छ । मन्त्रालयका अनुसार हालसम्म १५ लाख २७ हजार ७ सय ६६मा पीसीआर परिक्षण भएको छ । देशभरि गरी ३५ हजार ४ सय ३५ जना इसोलेसनमा र ११ सय ४४ जना क्वारेन्टीनमा रहेको मन्त्रालयले जनाएको छ ।।