दशैंमा पनि कोरोना परिक्षण निरन्तर
कोरोना संकरमण भयावह बन्दै गएको भन्दै सरकारले दशैमा पनि देशभरका सम्पूर्ण कोभिड अस्पताल तथा प्रयोगशालाहरु सञ्चालनमा ल्याउने जनाएको छ । दैनिक ३ हजारसम्म कोरोना संक्रमित थपिएको र परिक्षणको दायरा कम्जोर भएको आरोप खेपेको सरकारले दशैंमा भने परिक्षणलाई निरन्तरता दिने भएको हो ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले आवश्यकताअनुसार दशैमा सबै कोभिड अस्पताल र प्रयोगशालाहरु खुलाउने निर्णय भएको जानकारी दिएका छन् । भयावह बनेको कोरोनाबाट हालसम्म १ लाख ३९ हजार धेरै संक्रमित भएका छन ।
पछिल्लो २४ घण्टामा २० हजार ७ सय ४२ वटा नमुना परीक्षण गरिएकोमा नयाँ संक्रमित संख्या ५ हजार ७सय ४३ थपिए । यो हाल सम्मकै उच्च संक्रमित सङ्ख्या हो ।
