सानिमाको आईपिओमा पहिलो दिनमै पर्यो दुइ गणा बढि आवेदन

बुधबार देखि खुलेको सानिमा जनरल इन्स्योरेन्सको आईपिओमा पहिलो दिनमै दुई गुणा बढि आवेदन परेको छ । कम्पनीले २७ लाख ३० हजार कित्ता सेयर निष्कासन गरेको थियो तर पहिलो दिन मै ६१ लाख ४४ हजार ९ सय ५० कित्ताका लागि आवेदन परेको छ ।
पहिलो दिन साँझ ५ बजेसम्म २ लाख ६५ हजार ६ सय १६ जना आवेदकबाट उक्त कित्ताको लागि आवेदन परेको छ । यो कम्पनीले माग गरेभन्दा २ दशमलब २५ गुणा बढी आवेदन परेको हो । कम्पनीले निष्कासन गरेको ३० लाख कित्तामध्ये एक लाख २० हजार कित्ता कम्पनीका कर्मचारीहरुका लागि र एक लाख ५० हजार कित्ता सामूहिक लगानी कोषका लागि छुट्याइएको । भने बाँकी रहेको २७ लाख ३० हजार कित्तामा सर्वसाधारणले आवेदन दिन पाउनेछन् ।

छिटोमा असोज २५ गतेसम्म र सेयर बिक्री नभएमा ढिलोमा कात्तिक ६ गतेसम्म आवेदन दिन सक्ने मिति तोकिएको भएपनि पहिलो दिनमा नै माग भन्दा बढी आवेदन परेकाले आवेदन दिने मिति ढिलासम्म नपुग्ने देखिन्छ । आवेदकहरुले साधारण सेयर खरिदका लागि न्यूनतम १० कित्तादेखि अधिकतम १ हजार कित्तासम्म आवेदन दिन सकिने छ । आइपीओ खरिद गर्न चाहनेहरुले बिक्री प्रबन्धकसँगै सी–आस्वा सेवामा सहभागी सम्पूर्ण बैंक तथा वित्तीय संस्था र तीनका शाखा कार्यालयबाट आवेदन दिन सक्नेछन् । साथै मेरो सेयरको माध्यमबाट घरबाटै पनि आवेदन दिन सकिने छ ।