असोज २८ मा क्यानको साधारण सभा भर्चुअल विधिबाट

चितवनमा मंगलबार बसेको नेपाल क्रिकेट संघ (क्यान) को बोर्ड बैठकले साधारण सभा असोज २८ गते गर्ने निर्णय गरेको छ ।

भदौ १५ भित्र साधारण सभा भने पनि कोरोना भाईरसको महामारीकोका कारण स्थगित भएको साधारण सभा भर्चुअल विधिबाट असोज २८ मा गर्ने निर्णयमा बोर्ड पुगेको हो ।

 सोही बोर्ड बृठकले  महिला र पुरुष खेलाडीको वार्षिक जीवन बिमा गर्ने निर्णय गरेको छ । जसका लागि कोषाध्यक्ष रोशन सिंहको सयोजकत्वमा तीन दुर्गाराज पाठक र छुम्बी लामा सदस्य रहने गरी ३ सदस्सीय समिति बनाईएको छ  ।

तेस्तै कोरोना महामारीका कारण लामो समयदेखि स्थगित रहेको खेलाडीको क्लोज क्याम्पका लागि राष्ट्रिय खेलकुद परिषद् (राखेप) सँग अनुमतिको लागि पहल गर्ने र मंसिर भित्र महिला र पुरुषको प्रधानमन्त्री कप क्रिकेट गर्नका लागि राखेपसँग समन्वय गर्ने निर्णय निर्णय समेत गरेको छ ।